Lider di fraccion Accion 21 ta curioso pa mira presencia di Ursell Arends na parlamento. Tambe el a ripara cu e minister no a tuma nota di kico e parlamentarionan tabata puntra, pero cu su coordinadornan tabata tuma esakinan. Serlimar ta un desaster tras di desaster, y esaki ta bin despues di a tende cu tin stukken di DOW cu ta implica un ex-minister di cos ilegal.
E parlamentario a expresa cu no a haci nada di esey. Tambe tin otro problema manera cumpra incinerator pa kima sludge y tin un capacidad di 1000 ton pa ocho ora pero Aruba su necesidad ta 1500. Miguel Mansur a haci diferente pregunta entre otro con pa rescata Serlimar, cuanto placa di pueblo di Aruba a inverti den dje, e inversion malo si tin hende responsabel p’esaki.
Incluso a haci pregunta riba Parkietenbos. Den di dos tanda e lo kier sa si fraccion di Arends, esta RAIZ, lo actua riba corupcion. Esaki a bin pa motibo cu a scucha lider di fraccion di MEP kier tende di fechorianan. N’e momentonan aki tin diferente fechoria pasando y Mansur kier sa kico nan ta wardando pa actua. Realmente e kier mira accion y nan plan, ya cu no a anuncia esaki.
Pa un cobertura mas amplio lesa e edicion di TREMPAN di mañan.
