Diabierna mainta CAft a alerta riba presupuesto 2021 y a duna di conoce cu Aruba no mester haya sosten di likides mas. Aki a referi riba e hecho cu Aruba no a logra corta e cantidad exigi den cuido di salud, esta 60 miyon florin. Aruba a logra corta 40 miyon si y pa esaki, Hulanda a para e fiansa.
Den cuadro di esaki, Miguel Mansur, lider di fraccion Accion 21, a vocifera cu no ta ni cinco dia di e gobierno nobo y ya caba Aruba ta den un crisis bastante grave. A reitera e motibo, esta cu CAft a para fiansa debi cu no a logra corta suficiente den AZV y a enfatisa cu e cortamento no mester ta den remedi of cuido medico, cu esaki por ta den administracion tambe.
Tambe Rijkministerraad a bisa cu Aruba no mag saca mas bono, “toch e gobierno aki a tuma e posicion di viola e acuerdo cu nan mes a negosha y nan mes a firma y awo nos tur ta na riesgo”. Segun Mansur esaki lo tin implicacion riba Aruba su ‘credit-rating’ y esaki lo por haci e otro debenan di Aruba mas hopi.
Pa cobertura mas amplio lesa edicion di TREMPAN mañan.
