Pa loke ta trata formacion, acuerdo di gobernacion y e reparticion di cartera di e proximo gabinete, e lider di fraccion Accion 21, Miguel Mansur, a bisa cu ta un decision irresponsabel di parti di prome minister Evelyn Wever-Croes pa añadi un minister den un momento cu pais Aruba tin cu bay baha gasto di personal y corta algun caminda.
Segun Mansur, dia a trata presupuesto el a enfatisa tambe cu cada ministerio lo costa pais Aruba un miyon florin mas. Tambe el a recorda con na 2017 Wever-Croes a campaña contra corupcion, insistiendo cu e lo sinta cu shete minister y cu e lo percura pa baha gasto di gobierno.
Na e carteranan cu RAIZ a haya, Mansur a bisa cu na momento cu el a haya e reparticion di cartera via Whatsapp el a kere ta un joke “mi no a kere cu e tabata veridico”. Asina el a splica cu e ta desapunta den e fraccion, no necesariamente den Arends y Wever pero mas bien e conseho di partido y cu e no ta compronde ken tabata duna nan conseho. “Realmente nan tin titulo di minister pero cu e carteranan cu nan a haya nan lo fungi como coordinado di Evelyn”.
Pa cobertura mas amplio lesa edicion di TREMPAN mañan.
