Relaciona cu e reunion publico den parlamento di Aruba, Miguel Mansur, lider di fraccion di Accion21 den parlamento, a expresa cu mas bien ta purba di mitiga e problema y no trece solucion.
Mansur a cuminsa na bisa cu loke ta claro ta cu e rapport of sikiera e ‘concepto’ ta di varios aña pasa, for di 2019, tempo cu mr. Evelyne Wever-Croes, actual Minister Presidente, tabata minister di Infrastructura. Pero loke no a mira ta accion pa cu e solucionnan. Lastimamente, den parlamento tabata tin un reunion informativo den parlamento, pero den e reunion tampoco no a tende mucho solucion.
Loke a tende ta e cambionan cu nan kier bin cu ne, pa mitiga e sintomanan di e problema. Pero ainda no ta wak e berdadero plan, cu lo trece solucion pa e problema, cual ta e contaminacion di e awa.
Pa un relato mas amplio, lesa TREMPAN.
