Diamars a tuma luga reunion riba RAft, unda cuater minister tabata presente pa duna informacion. Net esunnan cu ta viola ley, Constitucion y aproba presupuesto iresponsabel kier grita pa scapa autonomia, pero nan mes ta caba cu ne. Entregamento di mocion no por tabata haci. E parlamentarionan Aquannette Gunn (MAS), Ryçond Santos do Nascimento (parlamentario independiente), Gerlien Croes (parlamentario independiente) y ACCION21 a firma un mocion y nunca por tabata entreg’e. Esaki a bin pasobra Presidente di Parlamento a cera reunion prome cu e parlamentarionan a haya di dos tanda y tur e marionetanan a bay di acuerdo. Ken nan kier bisa ta mina nos democracia?
Miguel Mansur, parlamentario (ACCION21), a indica cu den forma autoritario e Presidente di Parlamento a nenga e procesonan democratico. Esey a pone cu e parlamentarionan no a haya chens di un di dos tanda. E presidente a cera e reunion tot nader orde y p’e parlamentario esey ta significa cu no ta sigui cu ne mas. Conclusion di e reunion aki ta cu Aruba mester di e RAft. Segun e parlamentario, a cera e reunion pa motibo di e mocion cu nan a firma. Den e mocion aki nan ta urgi gobierno acorda na un ley di reino p’e supervision financiero cu Hulanda pa fin di luna aki, esta 31 di augustus 2023. Secretario di Estado, Alexandra van Huffelen, a duna gobierno te dia prome di september pa duna un contesta si ta acepta of no e RAft.
Brasamento entre MEP, RAIZ y AVP
Pa loke ta e debate den parlamento, e tabata algo cu ACCION21 a spera. Pasobra tabatin hopi argumento emocional di e partidonan bieu. E partidonan MEP, RAIZ y AVP ta brasa otro, aunke pa su persona esun di MEP y AVP no ta straño p’e. Su persona ta desampunta den partido RAIZ.
Tambe el a mira cobardia pa banda di e parlamentarionan di coalicion como gobierno. Cada bes cu oposicion bin cu keho legitimo, e mesun ministernan ta bay sconde tras di pueblo di Aruba. Nan ta bay sconde tras di e profesionalnan, pero nan mesun incompetencia nan no kier mira. Esey a bira un tendencia. Momento di critica un minister, nan ta core sconde tras di ambtenaar of profesional. Esaki ta bin pasobra nan mes no por responsabilisa nan mes p’e mal maneho.
Pa mas lesa TREMPAN.COM.
