A manda carta pa Hulanda pa logra aprobacion di RAft na Aruba

Para dilanti oficina di Gobernador, lider di Accion21 Miguel Mansur hunto cu Parlamentario independiente Rycond Santos do Nascimento a informa di un carta cu nan a caba di entrega.

E carta tin di haber cu un peticion urgente pa promove e decision corecto cu mester tuma riba e Rijkswet Aruba Financiel Toezicht (RAft).

Nan a acerca Gobernador di e forma aki pa motibo cu ta existi e posibilidad cu semper por consulta cu ne pero tambe e institucion aki por lansa advertencia ora cu cosnan no ta bay bon.

Nan ta pidi Gobernador pa convence Gobierno di Aruba pa acepta RAft. Y na mesun momento ta informa Gobernador cu nan ta distancia nan mes di tur e atakenan di Gobierno di Aruba cu Hulanda ta exigi un RAft den cuadro di refinanciamento di Coronalening. Y cu nan lo ta haci haci esaki pa gana placa cu Aruba door di cobra un interes mas halto di loke Hukanda mes ta paga riba mercado financiero.

Ta sigura e representante di Corona Hulandes cu contrario na e fraccionnan di MEP, AVP y RAIZ, nan ta compronde e exigencia di un Ley di Reino como un instrumento pa evita cu Aruba den futuro por frustra e control financiero. Nan ta considera e ley aki completamente hustifica, awo cu Parlamento di Aruba den un reunion publico riba 4 di september, 2018, a acepta un mocion pa deshaci di e concepto di ley riba control financierom esta e Landsverordening Aruba financieel toezicht (LAft), cu ainda no a yega den man di Gobernador pa ratifica.

 Nan ta bisa tambecu un Gobierno lo no keda sin acepta fuerte di Hulanda, pa refinancia e debe di Corona y na un bon interes. Solamente ta pidi pa esaki ta compaña cu normanan cu no por wordo cambia door di Aruba den forma unilateral. Tur esaki pa logra un maneho financiero responsabel.

Esey ta e motibo cu nan ta pidi pa pone e Gobierno di Aruba realisa cu Hulanda mester hunga un rol importante den e reformanan necesario den e aparato gubernamental. Esaki pasobra nan ta di e pensamento cu e politiconan di Aruba desde 1986 a percura cu Gobierno y Parlamento a neglisha grandemente e maneho financiero y mal uzo di fondonan publico.

Banda di esai, Gobierno di Aruba den forma sistematico ta mina e control financiero cu Parlamento mester realisa, cu por mira den e aviolacion di e ley di Compatbilidad y e heco cu ta surpasa e terminonan pone den Constitucion pa entrega di presupuesto- y cuentanan anual.

Ta expresa cu nan tin duda cu Gobierno di Aruba ta negocia den seriedad. Den e reunion publico nr. 25 di Parlamento, dia 22 di augustus, 2023 ta schors  un reunion den su prome termino pa tempo indefini, strobando e miembronan di oposicion pa entrega un mocion cu mester a trece un votacion sea na fabor of contr e RAft.

Den un carta pa Tweede Kamer, fecha 25 di agustus 2023, Secretario di Estado Van Huffelen cu Prome Minister di Aruba ta laga cu Aruba no ta contra un Rijkswet. Pero esaki ta contralo cu e declaracion di Prome Minister di Aruba den Parlamento riba 22 di augustus ultimo, unda e ta admiti cu actualmente 16 di e 21 miembronan ta contra y solamente cinco ta na fabor di RAft.

Den cuadro di e puntonan ariba menciona y diferente otro mas, e dos Parlamentarionan ta di opinion cu ta completamente iresponsabel pa rechasa RAft. Esaki pasobra e herment legal lo percura pa a termino corto baha e interesnan y a largo plaso crea e ruta pa un bon maneho financiero y reduccion di e debe, y cu no por wordo frustra di forma unilateral door di Parlamento di Aruba.

E actual LAft ta finalisa dia 31 di december awo. “Ta sumamente iresponsabel pa cu e pueblo di Aruba cu e fecha ey ta pasa, mientras cu Gobierno di Aruba ainda ta den negociacion riba RAft. Un actitud indeciso di Gobierno di Aruba ta mustra cu no kier acepta un ruta efectivo pa yega na un bon maneho financiero y ta habri un biaha mas e bentana pa un situacion unda no ta tuma e maneho financiero na serio cu tur e consecuencianan cu esaki ta trece cu ne.  

Nan ta spera cu Gobierno realisa su mes y yega na un palabra pa e control financiero tuma luga via di un Rijkswet prome cu 31 di december, 2023.

A manda copia tambe cu Mw. Hanke Bruins Slot, Minister van Binnenlandse Zaken   Koninkrijksrelaties;  Alexandra van Huffelen, Staatssecretaris Koninkrijksrelaties en Digitalisering; Wieke Paulusma, vice-presidente di Comision di Relacion di Reino Tweede Kamer; Paul Rosenmöller, Presidente di Comision di Relacion di Reino di Eerste Kamer; Prome Minister mr. Eveln Wever Croes  Presidente di Parlamento mr. Edgard Vrolijk.