Algun parlamentario pa prome biaha a experencia e ceremonia di e Aña Parlamentario nobo. A trata aki di entre otro lider di fraccion Accion 21, esta Miguel Mansur. El a conta cu locual a resalta cu e enfoke principal a keda riba e efectonan cu e pandemia tabatin riba economia. Esaki ta algo cu a keda principal pa tanto gobierno como parlamento.
Specialmente a papia riba e parti con ta bay rediseña e modelo economico a traves di reforma fiscal pa crecemento economico pa por tin fondo pa atende cu e crisis social y inverti den enseñansa y salubridad.
Mansur a conta con gobernador a vocifera cu democracia ta e miho forma di gobernacion cu Aruba tin actualmente. E parlamentario ta di acuerdo cu esaki pero ta di opinion cu democracia ta algo cu ta sigui evoluciona hunto cu nos. El a enfatisa di sigui pusha pa modernisa e “kiesverordening” y ta spera cu esaki lo ta un di e retonan cu parlamento lo bay tuma.
Pa cobertura mas amplio lesa edicion di TREMPAN mañan.
