Tratamento di Ley di BBO na frontera den parlamento ta un otro medida mas riba lomba di e pueblo, cu no por sigui carga mas.
Mientras cu Gobierno ta bin cu medida riba pueblo pa asina e genera entrada, di su banda su gastonan mes ta sigui subi. Asina Miguel Mansur, lider di Fraccion di Accion21 den parlamento a cuminsa na bisa. Por a wak un papel cu e presupuesto 2024 tin lo tin gasto 1.612 miyon, cual ta un aumento di 68 miyon florin.
Mirando cu ya caba nan a tuma medida di hisa BBO te cu 7% y awo ta bin cu otro medida mas. Si sikiera nan tabatin e decencia di baha nan gastonan, pero tur lo contrario. Nan gasto a aumenta mas di loke nan ta spera di genera na BBO aan de grens. Y esey ta haci cu e medida aki no ta necesario.
