Un punto di discusion cu a trata den e reunion publico den Parlamento ta e asunto di Serlimar. Y riba esaki, lider di fraccion di Accion 21, Miguel Mansur, tabatin su opinion.
El a comenta cu un di e cosnan cu el a pusha hopi fuerte, specialmente n’e lider di Raiz, cu awe ta minister di integridad. E kier a saca afo si e bay di acuerdo cu e nombracion p’e directiva di Lotto pa Deporte, tambe e director nobo di WEB y e incidentenan di Bohama.
Mansur ta haya cu e mandatario a sconde tras di e ponencia cu tin un profiel cu e ministernan ta uza, si el a admiti cu no a consulta cu ne.
Pa bay bek den campaña caminda cu e mandatario a vocifera mas di un biaha cu e tendencia di ‘fix cos’ ta bay caba. A trece na su atencion si e tabata sa si tur e director of presidente di directiva di loco y e director nobo di WEB, ta ex-candidato di MEP. E t’ey como minister di integridad, permitiendo of sosteniendo of birando cara pa e cultura di ‘fixmento’ cu el a priminti den campaña pa stop. Desafortuandamente no a haya contesta riba esaki.
Pa un cobertura mas amplio lesa e edicion di TREMPAN di mañan.
