Parlamento a trata ley di Landsverordening Instelling Ministeries 2022 (LIM), unda e parlamentarionan a haya oportunidad di scucha cada minister y na mes momento por a haci nan preguntanan.
Miguel Mansur, lider di Accion 21, a bisa cu nan a manda 43 pregunta como parti di e rapport. Gobierno a dicidi di no contesta ningun di nan y a referi n’e nader rapport. Den e rapport aki ta bisa Raad van Advies cu nan sa miho cu boso. Nan ta bisa Raad van Advies esey ta pa causa di un acuerdo politico. Kiermen acuerdo politico ta bay riba interes nacional. Awe por a mira manera a bira custumber den tur reunion, na luga di defende e leynan dilanti, nan a compara LIM 2022 cu LIM 2013.
Aki e gobierno a bisa cu nan no ta mes malo cu esun ey. Mansur a enfatisa cu despues di cada eleccion cada un por tin e oportunidad unico di scoge un rumbo nobo. E parlamentario ta desapunta cu no a scoge pa haci esey cu e gobierno MEP-RAIZ ta nenga di haci esey. Minister di Finansas a papia riba e debe gigante y Mansur kier sa si sinta cu shete minister na luga di ocho ta yuda of empeora e debe. Realmente no ta haya contesta riba e preguntanan aki. Tambe por mira cu e parlamentarionan di coalicion, minister Glenbert Croes a tuma masha ofensa mes ora cu Mansur a indica cu nan ta un set di marioneta, pasobra ta biba un stempel parlament. “Nan tabatin e oportunidad dia cu nan a bin cu e acuerdo entre Eagle LNG y WEB. Oposicion a bin c’un mocion di desaprobacion”, el a enfatisa. Aki nan a para riba y vota contra e mocion di desaprobacion.
Pa un cobertura mas amplio lesa e edicion di TREMPAN di mañan.
