Pa loke ta trata e funcionamento di parlamento, dialuna a cera e aña parlamentario 2020-2021 votando pa un presidente nobo di parlamento. Miguel Mansur di Accion 21 a reitera locual el a bisa siman pasa caba, esta cu ta pa prome biaha cu coalicion tin menos voto cu oposicion. Relaciona cu esaki, algun integrante di MEP a reacciona bisand’e pa e no lubida cu Accion 21 a perde algun integrante y sin nan, e partido no lo a yega un asiento.
Mansur a bisa cu esaki ta berdad pero cu toch e ta haya comico cu net esunnan cu a bin cu e ponencia aki, esta Tevreden y Endy Croes, no a ni saca ‘voorkeurstemming’ y ambos no a yega ni mita di e votonan personal di Mansur. Tambe a duna su opinion pa loke ta trata e nombramento di e presidente di parlamento. Den esaki Mansur a bisa cu tin violacion di trias politica ya cu no tin un separacion di poder legislativo y ehecutivo pa prome minister dicta ken ta presidente di parlamento.
Pa cobertura mas amplio lesa edicion di TREMPAN mañan.
